Луис Енрике за ѕвездата која може да го замени Мбапе во ПСЖ: Нели тој беше пејач?

Луис Енрике не ги остава рамнодушни франуцските новинари на секоја средба која ја има со нив, па така било и на најновата прес-конференија која ја одржал воочи натпреварот со Монако.

Со дербито во кнежевството ќе биде отворено новото коло во Лига 1 и ќе биде интересно да се види каков статус ќе добие Мбапе, особено откако Шпанецот самиот најави дека тимот полека треба да почне да се навикнува да игра без него.

Килијан најави заминување од Париз на крајот од сезоната и медиумите веќе шпекулираат за фудбалските ѕвезди кои можат да го заменат на „Паркот на принцовите“, а една од оние кои посебно отскокнува е Рафаел Леао.

Португалецот добро знае што значи да се игра во Франција бидејќи од Лил премина во Милан, но говорејќи за можната аквизиција која би ја направил клубот следново лето, Лучо уште еднаш издоминирал со својот коментар.

– Леао? Нели тој беше пејач? (Алудирајќи на рап песните кои ги објави) Се шегувам, добро знам кој е Леао, но нема да зборувам за играч кој во моментов не е со нас. Очекувам и убеден сум дека наредната сезона ќе имаме подобар тим од актуелниов. Кога го велам тоа, мислам на одбраната, средниот ред и нападот, – изјави Луис Енрике.