Академија ФМП ја забележа првата победа во БИБЛ лигата

Кошаркарите на Навико Академија ФМП ја забележаа првата победа во БИБЛ лигата и тоа на гостувањето во Софија кај Левски со 84-81.

Македонскиот претставник губеше со 15 разлика по првите 20 минути (49-34), но во вториот дел како да излезе некоја друга екипа на теренот и со максимална посветеност, ангажираност како во одбраната така и во нападот успеа да направи пресврт и да се израдува на триумф против домаќинот.

Сепак и ова не беше доволно за избраниците на Александар Петровиќ да се пласираат во следната фаза на ова натпреварување со оглед на тоа што Левски е подобар во меѓусебните дуели. Сепак резултатот ќе се памети затоа што беше прв историски триумф во БИБЛ во кој најдобар беше Ајви со 29 поени, Крстајиќ додаде 17, а по 11 кошеви имаа Бакоч и Тодоровски.

Останувза за македонскиот состав да одигра уште еден натпревар и тоа против Балкан во Скопје.