ТФТ направи пресврт во серијата со Чаир, сега е на чекор од полуфиналето

ТФТ забележа пораз на првиот меч против Чаир во натпревар во кој водеше речиси цели четири четвртини, но големиот шок сепак не влијаеше премногу негативно врз избраниците на Боро Смилковски.

Кошаркарите од ТФТ направија брејк на вториот меч во Чаир и израмнија на 1:1, а денеска на домашен терен поведоа во четвртфиналната серија и сега се на чекор од полуфинале.

Тафталиџани тргнаа фуриозно и веќе во првите 10 минути стигнаа до поопиплива предност, но Чаир успеа да се консолидира и остана резултатски во игра за стартот на второто полувреме (42:37).

Отворањето на третата четвртина донесе доминација на домашниот тим и ТФТ направи огромна разлика на семафорот, а предноста од 62:42 се покажа како клучна за конечниот епилог.

Гостите успеаја да се погрижат за подостоен пораз во последните десет минути, но ТФТ славеше со 76:65 и сега е на победа од полуфиналето.