Колапсот на СП ги разбуди Американците: Леброн ќе состави „дрим-тим“ за Олимписките игри (Фото)

Америка дојде со резервен тим на Светското кошаркарско првенство и без многу искуство во тимот, а тоа на крајот резултираше со еден од најразочарувачките резултати во поновата историја.

Селекцијата предводена од Стив Кер не освои медал и заврши на четвртото место на Мундобаскетот, резултат кој донесе сериозен потрес во САД, каде одговорност се бара и од НБА ѕвезди кои го откажаа настапот на овој турнир.

Еден ден по завршувањето на турнирот, американските новинари откриваат дека колапсот сепак ќе донесе голема промена во тимот, а истата ќе ја организира Леброн Џејмс како капитен.

Ѕвезда на Лос Анџелес Лејкерс дала збор дека ќе состави „дрим-тим“ за Олимписките игри во Париз кои се играат наредната година, турнир на кој Америка ќе го нападне златото.

Добро упатениот новинар со инсајдерски информации, Шемс Чаранија тврди дека Леброн веќе остварил контакт со најголемите ѕвезди, па планот е во француската престолнина да ги понесе и Стеф Кари, Кевин Дурент, Џејсон Тејтум и Дрејмонд Грин.

Sources: LeBron James wants to represent Team USA at 2024 Paris Olympics and is spearheading group of future Hall of Famers – including Stephen Curry, Kevin Durant – prepared to commit.

Full details with @joevardon at @TheAthletic: https://t.co/r2XGO3E2TO

— Shams Charania (@ShamsCharania) September 11, 2023