„Лавиците“ од Ѓорче Петров се изборија за четвртфинале во Европскиот Куп (ВИДЕО)

Актуелниот македонски ракометен шампион, Ѓорче Петров обезбеди место во четвртфиналето на Европскиот Куп на ЕХФ.

Скопскиот тим загуби на денешното гостување во Чешка кај Хазена Кинжварт со 34:33, но победата од три гола остварена минатата недела во Автокомада беше доволна за „лавиците“ да ја добијат комплетната битка и да се пласираат во наредната фаза на ова европско натпреварување.

Избраничките на Симе Симовски имаа добро, ефикасно прво полувреме кое го завршија со предност од 20:16. Во вторите 30 минути не беше се идеално за нашиот првак, меѓутоа се издржа кога беше најпотребно и сосема заслужено изборен е резултат кој води меѓу најдобрите осум во оваа конкуренција.

Николовска и Дамјаноска со по шест гола беа најфикасни кај ѓорчепетровки.