ТФТ стартуваше со пораз во вториот дел од сезоната во БИБЛ лигата

ТФТ минува моменти за паметење откако пред извесно време ја освои титулата во Купот на Македонија, успех кој е најголем од постоењето за малиот тим со амбициозен проект.

Колективот од Тафталиџе покажа дека има срце и го победи највалитетниот тим во финалето (МЗТ), но храбрата игра денеска сепак не беше доволна за победа над бугарскиот претставник во БИБЛ лигата.

Балкан успеа да оствари победа на денешното гостувањето во Скопје и славеше со 82:97 и така напарави ТФТ да го стартува со пораз вториот дел од сезоната во регионалното натпреварување.

Бугарскиот состав ги контролираше случувањата на теренот и постојано беше во водство, а главната разлика беше направена во втората четвртина во која Балкан славеше со 19:31.

Ландриус Хортон беше најдобар кај ТФТ со 19 поени и 8 скока, додека кај гостите 21 поен и 6 скока забележа Дерик Маркс.