Австриецот Херл најдобар во Инсбрук, Кобашаји нов лидер на „Четири скокалници“

Третиот натпреварувачки ден на новогодишната турнеја „Четири скокалници“ продолжи во Инсбрук, а денеска на скокалницата во Австрија најдобар беше домашниот претставник, Јан Херл.

Со оваа победа, Херл успеа да избие на третото место во генералниот пласман, а клучни за таков напредок беа два извонредни скокови кои му донесоа вкупни 267,5 поени.

Денеска второпласиран заврши Јапонецот Рију Кобајаши, додека на пиедесталот се искачи уште еден Австриец, Михаел Хајбек.

Со денешниот расплет, сега прв во генералниот пласман е Кобајаши, на второ место падна Андреас Велингер, а на трето е победникот од Инсбрук, Јан Херл.

Новогодишната турнеја ќе заврши на 6-ти јануари, кога во Бишофсхофен ќе дознаеме кој ќе биде најдобар по четири комплетирани рунди.