Тенисерките славеа над Грузија во разигрувањето во Били Џин Кинг Купот

Македонската женска тениска репрезентација славеше над Грузија во разигрувањето од 4. до 6. место во Били Џин Кинг Купот, поточно во втората евроафриканска зона што се игра во Вилнус (Литванија).

Нашите тенисерки беа подобри од Грузија со 2-1 и утре ќе се соочат со Израел во борбата за четвртото место.

Избраничките на Лабудовиќ беа подобри во сингл дуелите што беше доволно за да се дојде до посакуваниот триумф. Имено Магдалена Стоилковска славеше над Зозија Кардава со 2-1 во сетови, додека пак Лина Ѓорческа беше подобра од Екатерине Горгодзе, односно при водство на тетовката од 1-0 во сетови, ривалката го предаде мечот поради повреда.

Потоа во дуелот во двојки шанса добија Теона АНдова и Ива Данева, кои загубија од Натела Џаламидзе и Оксана Калашникова со 2-0 во сетови (60 61).