Србите открија зошто Богдановиќ ја пропуштил големата прослава која траела до раните утрински часови

Богдан Богдановиќ беше најдобар кошаркар на Србија на Мундобаскетот и како капитен го водеше тимот до големото финале, во кое „орлите“ сепак немаа доволно сили и загубија од Германија.

Сепак, освоеното сребро сјаеше како злато на пречекот кој го имаа кошаркарите вчеравечер во Белград, но новинарите забележаа дека Богдан го одработил само првиот дел од задачата.

Богдановиќ беше дел од почетната прослава со соиграчите, „баскетџиите“ и Новак Ѓоковиќ, меѓутоа подоцна не се појавил на свечената прослава која ја имале сите заедно во елитен ресторан во Белград каде имало и жива музика.

Српските медиуми откриваат дека Богдан имал добра причина за ваквиот потег, бидејќи неколку часа пред да слета во родната земја, слушнал многу лоша вест од поблиското семејство.

Вујкото на Богдан починал вчера во раните утрински часови, по што Богдан решил да не оди да слави и да биде блиску до своите најсакани.