Ѓорчепетровки ја добија првата битка со Кинжварт во осминафиналето на Европскиот Куп

Најдобриот македонски ракометен состав, ЖРК Ѓорче Петров славеше над Хазена Кинжварт со 32:29 во првата средба од осминафиналето на Европскиот Куп.

Голема борба се водеше во салата во Автокоманда во Скопје, битка која на крајот му припадна на македонскиот шампион кој со три гола предност ќе го дочека реваншот закажан за 20 јануари.

Првиот дел им припадна на гостинките со 14:13, меѓутоа по паузата далеку подобри беа избраничките на Симе Симовски кои одиграа далеку поефикасно во нападот и со тоа го свртеа резултатот во својата полза и со позитивна енергија, добра резултат ќе го дочекаат возвратниот дуел во Чешка.

Најефикасни во Ѓорче Петров беа Ризоска, Јанкуловска и Коларовска со по шест постигнати голови, кај поразените Патрнчакова имаше пет реализации.