Млади спортисти
Општествено одговорната кампања на „Макпетрол“ се проширува во Свети Николе и во Ново Село
Општините Свети Николе и Ново Село стануваат дел од „Крени глас против врсничко насилство“. Во рамки на кампањата, во основните училишта под нивна надлежност ќе се одржат работилници за булинг овозможени од „Макпетрол“, а кои што ги предводи психолог со опсежно искуство со проблемот. Компанијата и двете општини потпишаа меморандуми за соработка. За учениците, како и за наставниците, стручните служби, но и за родителите, ќе биде испечатен и доставен и едукативен материјал.
На општествено одговорната кампања на „Макпетрол“ досега се приклучија 23 општини. Покрај Свети Николе и Ново Село, од почетокот на 2024 дел од „Крени глас против врсничко насилство“ станаа и Струга, Кавадарци, Валандово, Дојран, Кочани, Охрид, Виница, Битола, Штип, Бутел, Петровец и Чучер-Сандево. До крајот на минатата година, пак, компанијата потпиша меморандуми за соработка и со Центар, Аеродром, Гази Баба, Гевгелија, Демир Капија, Куманово, Карпош, Кисела Вода, како и Ѓорче Петров.
За сите 23 општини што досега се приклучија на општествено одговорната кампања „Макпетрол“ овозможи работилници и едукативни материјали. Образовните средби, наменети за учениците, но и за стручните служби, веќе се комплетирани во дел од општините. Во останатите или моментно се во тек или ќе бидат завршени во периодот што следува. Работилниците обезбедуваат подетално запознавање со физичкото, вербалното, психичкото, социјалното и сајбер-насилството како форми на булинг, но и начините како со нив учениците да се справуваат. Психолозите и педагозите, како и наставниците, овие знаења потоа можат да ги применат во редовната настава.
Во рамки на општествено одговорната кампања, „Макпетрол“ го овозможи создавањето на интернет-страницата kreniglas.mk. Овој вебсајт функционира како платформа на која што се достапни голем број информации за врсничкото насилство. Неговата примарна цел е едукација на сите страни што на некој начин се засегнати од булингот. Исто толку значајно е што интернет-страницата обезбедува можност и за анонимно споделување лични искуства поврзани со овој сериозен проблем.
„Макпетрол“ реализира еден од своите стратешки приоритети со кампањата „Крени глас против врсничко насилство“, а тоа е општествената одговорност. Булингот е појава што може да остави долготрајни последици и кај децата и кај младите, односно да влијае врз нивниот понатамошен развој. Креирајќи ја оваа кампања, „Макпетрол“ гради платформа за поддршка и во иднина ќе работи на создавање можности преку кои младите генерации ќе можат да ги исполнат своите потенцијали.
-
Лига на шампионипред 22 часа
Анчелоти му одговори на Силва, па се фокусираше на утрешниот ривал: Имам фантастични спомени од една легенда на Баерн
-
Лига на шампионипред 17 часа
Тухел типува кој играч на Баерн ќе постигне гол против Реал: Не знам зошто, но сигурен сум во тоа
-
Шпанијапред 20 часа
Арда се срами да изговори по име двајца соиграчи од Реал: Така би покажал непочитување
-
Англијапред 23 часа
Премиер лигата пред воведување на правило кое ќе ги ограничи трошоците, само три големи клуба гласале против
-
Боречки спортовипред 19 часа
Нгану уништен поради тешка семејна трагедија, МекГрегор прв му испрати порака (Фото)
-
Шпанијапред 8 часа
Роналдо го продаде Крузеиро, па најави дека набрзо ќе се откаже и од шпанскиот проект
-
АТПпред 21 час
Качин си побара сувенир од Надал веднаш по поразот во Мадрид, Рафа покажа голема класа (Видео)
-
АТПпред 10 часа
Качин вечно ќе го памети сувенирот од Надал: Ова беше сон за мене (Фото)