Норвешка преку тај-брејк до победа над Македонија во дербито на Били Џин Кинг Купот

Македонската женска тениска репрезентација загуби од Норвешка во второто коло на Били Џин Кинг Купот и тоа по тај-брејк завршница во мечот во игра на двојки.

Откако по сингл пресметките двете селекции стигнаа до една победа, дублот го решаваше победникот во дуелот меѓу Македонија и фаворитот Норвешка, за Лина Ѓорческа и Магдалена Стоилковска да загубат со 10:5 во таа решавачка етапа.

Прво Норвежанките поведоа откако го добија првиот сет со 6:4, па следуваа супериорни 6:1 на нашите тенисерки, но и тај-брејк завршница во игра до 10, во која Норвежанките беа подобри и дојдоа до посакуваната победа.

Претходно, дуелот започна со пораз на Стоилковска во два сета, по што следуваше убедлива победа на Ѓорческа со само два загубени гејма на својот сингл меч.

Македонија со една победа и еден пораз досега, утре ќе го игра последното коло во групната фаза, а противник ни е Косово.