Македонија со победа над Полска ги заврши квалификациите за ЕП

Македонската кошаркарска репрезентација ја совлада Полска со 88:74 во последниот натпревар од квалификациите за Европското првенство.

Од претходно ние ги загубивме сите шанси за место на шампионатот, но без разлика на тоа одигравме добар меч во СРЦ Кале каде ја надигравме Полска, состав кој претходно го совладавме и на негов терен.

Наметнавме наше темпо од првата четвртина која ја реализиравме со 26:19, предност која ја сочувавме и по вториот период (45:39). По паузата одново бевме на повисоко ниво од Полјаците, ги добивме со 22:16 и 21:19 за позитивен крај на овој циклус кој го завршуваме на третата позиција во групата Х зад Литванија и Естонија.

Шортс со 23 поени беше прв стрелец, Маслинко уфрли еден помалку, а одличен беше и Зекири со 17 поени, 7 скока, 4 асистенции, 1 украдена топка и 1 блокада.

Кај поразените тројца реализираа по 13 кошеви, Плута, Михалак и Коленда.