НФЛ играч застрелан во вооружен грабеж, лекарите потврдиле дека имал многу среќа

НЛФ ѕвездата Рики Пирсал заработил прострелна рана во градите, откако случајно се нашол на место на кое било извршен вооружен грабеж во Сан Франциско.

23-годишниот Пирсал е член на НФЛ тимот Сан Франциско 49, а првичната информација од американските медиуми беше дека бил хоспитализиран и бил во животно загрижувачка, но стабилна ситуација.

Неколку часа подоцна, семејството на спортистот потврди дека Пирсал бил пуштен на домашно лекување, а лекарите објасниле дека имал многу среќа, затоа што куршумот не погодил некој од виталните органи и излегол од страната на грбот.

Полицијата информираше дека веројатно дошло до физичка пресметка меѓу повредениот и момчето кое го извршило грабежот, а веќе е уапсен 17-годишниот сторител на делото.

Пирсал од неодамна им се врати на тренинзите на својот тим и се подготвуваше за првиот натпревар од новата сезона, закажан за 10. септември.

49ers first-round pick Ricky Pearsall walking to the ambulance after being shot today during an attempted robbery in San Francisco.

📹 @ZakSNews of @KTVU pic.twitter.com/BlwnENgBLK

— Adam Schefter (@AdamSchefter) September 1, 2024