Академија ФМП со победа ја заврши дебитантската сезона во БИБЛ лигата

Македонскиот кошаркарски прволигаш Навико Академија ФМП со победа над Балкан од 77-75 ја заврши дебитанската сезона во БИБЛ лигата.

Избраниците на Александар Петровиќ и пред почетокот на мечот знаеја дека немаат никакви шанси за пласман во следната фаза, но одиграа до крај, одиграа за реноменото на клубот, македнската кошарка и се изборија за триумф и тоа со пресврт во второто полувреме.

Балкан ги доби првите 20 минути со 44-31, меѓутоа во продолжението се сменија улогите на теренот, домаќинот беше на повисоко ниво и дојде до славје со кое на најдобар можен начин се прости од ова натпреварување.

Крстајиќ со 25 поени беше прв стрелец, добра поддршка беше Ајви со 18 кошеви.

Сега Академија ФМП ќе може максимално да се фокусира на настапите на домашната сцена.