Македонија избра група по мерка за СП во Скопје

Скопје ќе биде домаќин на Светското ракометно првенство до 20 години претстојниот месец јуни, а денеска нашите ракометарки ги дознаа селекциите со кои ќе се соочат во групната фаза.

Како домаќин на турнирот, нашата репрезентација чекаше ривали од вториот шешир, а исто така имаше право да бира група во која ќе игра на турнирот во македонската престолнина.

Убедливо најдобрата вест пристигна кога последна беше извлечена Ангола како селекција од првиот шешир, па Македонија како домаќин реши да се најде во групата Х.

Покрај Ангола влегува како фаворит, останати две селекции кои ги добивме се оние на Исланд и САД.

Ракометниот мундијал до 20 години ќе се одржи во Скопје од 19-то до 30-ти јуни, за кој може слободно да се каже дека нашите девојки добија група по мерка.

Групи за СП во Скопје:
Група А: Романија, Холандија, Бразил, Иран
Група Б: Швајцарија, Египет, Тунис, Чиле
Група Ц: Унгарија, Кореа, Аргентина, Мексико
Група Д: Данска, Норвешка, Јапонија, Кинески Таипеи
Група Е: Шведска, Чешка, Кина, Алжир
Група Ф: Франција, Германија, Шпанија, ИХФ
Група Г: Португалија, Црна Гора, Гвинеја, Узбекистан
Група Х: Ангола, Македонија, Исланд, САД