Јокиќ им се придружи на соиграчите во големата прослава и се расоблече за освоеното сребро (Видео)

Никола Јокиќ и откажа на Србија на Мундобаскетот и не настапи на најголемиот кошаркарски собир кој се одржа во изминатите три недели, но сепак големата ѕвезда на Денвер не го пропушти огромото славје кое вчера беше тема број еден во Белград.

Кошаркарите беа пречекани како национални херои поради освоеното сребро на Светското првенство, но друштво во вечерта полна со емоции им правеа и „баскетџиите“, но и светскиот рекет број еден, Новак Ѓоковиќ.

Оваа групна прослава од Белград ќе се прераскажува уште долго во српската јавност, а медиумите почнаа да споделуваат и видеа од доцните часови во ноќта.

По збирната прослава на плоштадот во Белград, сите заедно се упатиле и на заедничка вечера, а таму МВП играчот на НБА лигата издоминирал за сите пари и покрај тоа што не играше.

Јокиќ не остана рамнодушен на успехот кој го остварија неговите соиграчи, па славел соблечен до појас во ритамот на песната која оди во позадина.

In case anyone was looking for a Jokić update: more of the same for the champpic.twitter.com/hFWufGrt18

— Katy Winge (@katywinge) September 13, 2023