Полјаците уапсија руски хокеар обвинет за шпиунажа

Полската полиција денеска уапсила член на полски хокеарски второлигаш поради обезбедени докази дека бил руски шпиун.

Иако властите не сакале да објават многу податоци за случајот, медиумите тврдат дека се работи за рускиот државјанин Максим С. кој настапувал во Полска, а бил дел од група која шпиунирала во корист на Русија.

Уапсени биле 14 лица од повеќе држави, а сите тие во моментов имале некаков ангажман во Полска, вклучувајќи го и уапсениот хокеар, кој според полските власти, имал поинаква професија.

Официјалната истрага вели дека меѓу главните активности на групата уапсени била да го мониторираат движењето во железничкиот сообраќај, како и ширењето на полска и НАТО антипропаганда.

Во извештајот се вели дека групата подготвувала и одредени саботажи организирани од руските соработници.