Српскиот селектор бесен по дебаклот: Неколку играчи не се ни „дојдени“ во Сплит (Видео)

Српската ватерполо репрезентација вчера доживеа убедлив пораз од Унгарија на Европското првенство кое се одржува во Сплит, Хрватска.

Во рамките на групната фаза, Унгарците го победија актуелниот олимписки шампион со 16:7, а ваквиот пораз во свој автентичен стил го коментираше селекторот Дејан Савиќ.

– Не се потребни прашања, беше лудо и незаборавно, помрачување, збогум на паметот.

– Унгарците имаа совршена тактика, ние ја очекувавме и се подготвувавме, но не успеавме да одговориме на нивната агресивност и играта без центар.

– Вака не смее да се претставува српското ватерполо, вклучувајќи ме и мене, а мислам дека тројца-четворица играчи не се ни „дојдени“ во Сплит, – изјавил Савиќ.