Ракитиќ постигна атрактивен гол и донесе победа на дебито во Саудиска Арабија (Видео)

Екипата на Ал Шабаб денеска забележа минимална победа на гостувањето кај Дамак во првенството на Саудиска Арабија, а радост за фановите на тимот од Ријад донесе засилувањето Иван Ракитиќ.

Поранешниот хрватски репрезентативец зимава реши да ја напушти Севилја и да ја прифати атрактивната понуда од азиската земја, а го покажа својот квалитетот уште на дебито.

Покрај одличниот настап на Ракитиќ во текот на целата средба, неговите соиграчи не ги користеа шансите, па Хрватот успеа да постигна гол за победа со атрактивен удар во 82. минута.

Со денешната победа, Ал Шабаб се најде на десеттото место на табелата, а ќе се обиде да се приближи до местата кои водат во азиските купови.