Репрезентација
Ѓуроски: Оваа победа треба да не мотивира да се надградиме како тим
Македонија одигра перфектен натпревар на тимски план против Полска и успеа да слави на гостувањето со фантастични 71:96, а со тоа автоматски ја запишавме првата победа во квалификациите за Европското првенство.
Избраниците на селекторот Јончевски го поправија изданието од мечот со Естонија и одиграа квалитетно во двата правци, па ако треба да се издвои уште некое индивидуално издание покрај оние на Димитријевиќ и Хап, тоа е она на Стојан Ѓуроски.
Искусниот кошаркар беше трет најдобар играч на паркетот и натпреварот го заврши со 17 поени, две украдени топки и два скока, а во својата анализа на победата посочи дека клучна била агресивноста и максималното залагање на секој поединец.
– Влеговме максимално мотивирано во натпреварот бидејќи знаевме од какво значење е за нас. На нивната игра одговоривме со една многу поголема агресивност. Мислам дека можеби малку и нè потценија. Се одлучивме помалку и да ризикуваме со нивниот шут од дистаца, во прв ред на Балцеровски, и тоа на крајот и се исплатеше.
– Сепак, сметам дека енергијата беше клучен фактор за победата на овој натпревар. Погодивме доста шутеви од далечина и поголем дел од репрезентативците одиграа феноменално. Нено нè предводеше, не само поради поените кои ги постигна, туку и поради фактот што нè разигра и нас останатите. И мислам дека на крилјата на оваа победа треба да продолжиме да се надградуваме како тим. Можеби лош момент е победата на Естонија против Литванија, меѓутоа тоа не значи ништо за нас. Следна на ред ни е репрезентацијата на Литванија, за која лично сметам дека можеме да ја победиме во Скопје. Има уште многу да се игра во овие квалификации и ќе се потрудиме да победиме на што повеќе натпревари. Ова во Полска беше само првиот од многуте, – изјави Ѓуроски.
-
НБАпред 21 час
Денвер повторно ги преслуша Лејкерс, Ембид броеше до 50 во триумфот на Филаделфија
-
Шпанијапред 17 часа
„Мундо Депортиво“ објави ново видео и заклучи: Барселона е оштетена за чист гол (Видео)
-
Формула 1пред 18 часа
Голем удар за Ред Бул: Адријан Њуи најавил дека планира нов предизвик
-
Шпанијапред 14 часа
Промена во последен момент: Белингам во составот, друга ѕвезда на Реал отпадна за дуелот со Сосиедад
-
Англијапред 22 часа
Гвардиола не се согласува со Клоп и Ван Дајк и одговори со различен став
-
Македонијапред 21 час
Анализа по првиот настап: Можеме и подобро, свежа мотивација за Золдер!
-
Италијапред 21 час
Јувентус договорил нов голман, наследникот на Шчесни ќе биде Италијанец
-
Англијапред 19 часа
Кулушевски доби најдобар можен роденденски подарок (Фото)