Брилијантниот Шортс му донесе европска титула на Париз и место во Евролигата (ВИДЕО)

Македонскиот репрезентативец, Ти-Џеј Шортс и неговиот Париз се освојувачи на трофејот во Еврокупот за натпреварувачката 2023/2024.

Клубот од француската престолнина ја доби и втората пресметка со Бург (89-81), па со 2-0 ја затвори финалната серија и ја потврди доминатната сезона во ова натпреварување во кое во претрпе само еден пораз (22-1) и тоа од Бешикташ.

Во главна улога беше кој друг ако не Шортс со 22 поени, 6 скока и 5 асистенции со што беше прогласен за МВП на финалната серија. Претходно тој беше прогласен и за најкорисен играч на кампањата, се најде и во првата петорка што доволно говори за неговата класа.

Тој и минатата година „грмеше“ во дресот на Бон со кој ја освои ЛШ на ФИБА што е уште една потврда дека Ти-Џеј е навистина еден од најдобрите играчи на неговата позиција на стариот континент.

Овој триумф пак на Париз ќе му обезбеди место во Евролигата за натпреварувачката 2024/2025.