Белгискиот селектор потврдил дека Куртоа нема да настапи на ЕП

Белгија нема да смета на првиот голман Тибо Куртоа на претстојното Европско првенство во Германија, а тоа денеска го потврдил и селекторот Доменико Тедеско.

Куртоа ја пропушти цела сезона во дресот на Реал Мадрид поради сериозната повреда на лигаментите на коленото, а се соочи со дополнителен проблем непосредно откако се врати на тренинзите на својот тим.

Уште претходно беше најавено дека Куртоа ја известил федерацијата дека нема да може да му помогне на националниот тим во Германија, а сега тоа е и официјално потврдено.

– Оваа тема е затворена и за неа се е веќе кажано. Ќе се концентрирам само на фудбалерите кои се во добра форма, – рекол Тедеско.

Куртоа е блиску до враќање на голот на Реал и тоа може да се случи претстојниот викенд против Кадиз.