Пливање
Поп Ацев се јави со емотивна порака откако не успеа да стане петтиот Македонец кој го препливал Ламанш (Фото)
Евгениј Поп Ацев со години наназад е симбол за маратонското пливање во нашата земја и успешно ја претставуваше Македонија во светски рамки, а дури и во моменти кога не е во најдобра форма, популарниот Генчо се реши на еден неизмерно тежок предизвик.
Поп Ацев се обиде да стане само петтиот Македонец кој го препливал каналот Ламанш по Атина Бојаџи, Нико Нестор, Кирил Билбиловски и Томи Стефановски, но за жал лошите услови и ладната вода не дозволија да видиме успешно сценарио.
Евгениј го сподели сето свое искуство преку Фејсбук профилот и испрати порака до сите кои го поддржуваат во неговата богата кариера, во која три пати беше и светски шампион.
– Денес пробав да го испливам Каналот Ламанш и не успеав во тоа. Иако последниве години имав проблеми со пливањето и со здравјето, сепак се надевав дека ќе соберам сила и ќе можам. Имав голема желба и сила и добро пливав, но ладната вода ме победи, т.е. го победи моето тело кое отсекогаш лошо се справувало со ладна вода. Иако разочарувањето е големо и ќе ми треба подолг период да го пребродам овој неуспех, сепак сум среќен што пробав и собрав уште едно искуство ( макар и лошо) и што ќе можам дома да се вратам жив и здрав. Многу сум благодарен на сопругата Алана на Капетанот и тимот на бродот за големата помош и за брзата и правилна реакција за да не се случи нешто пострашно. Исто така огромна благодарност до моето семејство, блиските и сите во Македонија кои отсекогаш ме поддржувале и храбреле поготово во вакви тешки моменти.
– Тешки две години беа ова за мене што се однесува на пливањето и мислам дека ова е најтешкиот момент, но можеби и најсилен знак. Премногу го сакам овој спорт и тешко ми е да се отргнам од него, па некако ги игнорирав сите знаци и совети и повеќе го слушав срцето наместо телото и разумот да продолжам. Имам толку убави спомени, успеси , емоции, искуства и познанства, и тоа се додека ја претставував својата земја на светско ниво. Тоа е најголема чест и задоволство за еден човек и е најголемата убавина на спортот. За тоа ќе сум вечно среќен и задоволен, тоа што ја имам доживеано таа убавина без разлика што ќе донесе следниот ден.
-
НБАпред 21 час
Денвер повторно ги преслуша Лејкерс, Ембид броеше до 50 во триумфот на Филаделфија
-
Шпанијапред 17 часа
„Мундо Депортиво“ објави ново видео и заклучи: Барселона е оштетена за чист гол (Видео)
-
Формула 1пред 18 часа
Голем удар за Ред Бул: Адријан Њуи најавил дека планира нов предизвик
-
Шпанијапред 14 часа
Промена во последен момент: Белингам во составот, друга ѕвезда на Реал отпадна за дуелот со Сосиедад
-
Македонијапред 20 часа
Анализа по првиот настап: Можеме и подобро, свежа мотивација за Золдер!
-
Англијапред 21 час
Гвардиола не се согласува со Клоп и Ван Дајк и одговори со различен став
-
Италијапред 20 часа
Јувентус договорил нов голман, наследникот на Шчесни ќе биде Италијанец
-
Англијапред 18 часа
Кулушевски доби најдобар можен роденденски подарок (Фото)