Велосипедизам
Комплетиран историскиот настап: Петрова и Иванова со друмската трка се простија од велосипедскиот мундијал!
Елена Петрова и Дуња Иванова како две најуспешни велосипедистки во Македонија на домашните државни првенства по првиот настап на светското првенство во Глазгов, Шкотска, кој претставуваше трка на хронометар, го комплетираа учеството со возење на друмската трка.
Патеката предвидена за овој потфат беше од Лох Ломонд до Глазгов, а на крајот се возеа и шест круга низ улиците на градот домаќин, со вкупна должина од 154,1 километар. Согласно пропозициите, беше дозволено максимално доцнење од 10% во однос на времето на водечките, поради што за македонските претставнички трката заврши малку порано, односно поради заостанувањето не им беше да влезат во последната фаза со шест круга низ градските улици, за да не се создаде недоразбирање во поглед на пласманот и кој колку води или задоцнува, па нивните времиња се изземени од финалната табела.
Победата и припадна на Лоте Копеки од Белгија со време од 4 часа, две минути и дванаесет секунди, а како финиширани се наведени само 86 од 208 стартери.
Петрова и Иванова претходно оваа година ја докажаа својата висока класа меѓу ентузијастите кои се натпреваруваат на „Гран Фондо“ трките, при што освоија пласмани на пиедесталот на трката во Умаг, Хрватска, но во овој случај наместо во таа конкуренција, одбраа да возат меѓу професионалците и да се борат за поени на листите од Интернационалната велосипедска унија (UCI).
Во претходната трка на хронометар, Петрова која е државна шампионка на Македонија се пласираше на 70 место, додека Иванова беше на 74 позиција.
-
НБАпред 21 час
Денвер повторно ги преслуша Лејкерс, Ембид броеше до 50 во триумфот на Филаделфија
-
Шпанијапред 17 часа
„Мундо Депортиво“ објави ново видео и заклучи: Барселона е оштетена за чист гол (Видео)
-
Формула 1пред 18 часа
Голем удар за Ред Бул: Адријан Њуи најавил дека планира нов предизвик
-
Шпанијапред 14 часа
Промена во последен момент: Белингам во составот, друга ѕвезда на Реал отпадна за дуелот со Сосиедад
-
Македонијапред 20 часа
Анализа по првиот настап: Можеме и подобро, свежа мотивација за Золдер!
-
Англијапред 21 час
Гвардиола не се согласува со Клоп и Ван Дајк и одговори со различен став
-
Италијапред 20 часа
Јувентус договорил нов голман, наследникот на Шчесни ќе биде Италијанец
-
Англијапред 18 часа
Кулушевски доби најдобар можен роденденски подарок (Фото)