Игра на судбината: Братот на Роси го менува Маркез во Хонда (Фото)

Марк Маркез соопшти дека ја напушта Хонда после цели 11 сезони и веќе беше потврден како нов возач на Дукати Гресини, а тоа направи јапонскиот великан да мора да повлече важен потег за наредната сезона.

Репсол Хонда донесе конечна одлука дури по завршувањето на последната трка која вчера се возеше во Валенсија, со тоа што само ги потврди шпекулациите кои кружеа во јавноста веќе некое време.

Јапонскиот тим ја извести јавноста дека нов возач за следната сезона ќе биде Лука Марини, италијанскиот возач кој инаку е помал брат, или поточно полу-брат на легендарниот Валентино Роси.

„Докторот“ ја заврши кариерата во нарушени односи со Маркез и Шпанецот беше негов најомразен ривал, а судбината сега посака неговиот брат да го наследи Марк во Хонда.

– Сега е официјално, си го исполнив сонот. Ќе дадам се од себе, – порача Марини кој стави потпис на двегодишен договор.

Марини во досегашната кариера 53 пати беше дел од „кралската класа“ и има освоено два подиума, а интересно е што ќе вози за фабричкиот тим на Хонда со кој Валентино ги освои своите први три титули во кариерата.

 

View this post on Instagram

 

A post shared by Luca Marini 10 (@lucamarini10)

“We’ve studied @Luca_Marini_97‘s progress and felt he was a good fit” 🗣️

Alberto Puig, @HRC_MotoGP Team Manager, expands on the reasons behind signing the Italian 🤝#MotoGP2024 | VIDEO 👇https://t.co/iI599lhycv

— MotoGP™🏁 (@MotoGP) November 27, 2023