Атлетика
Со петтото издание на планинската трка „Водно Матка Треилс“ почнува сезоната на спортските настани во природа
Над 520 учесници од 20 држави се пријавени за планинската трка „Водно Матка Треилс“ која се организира низ најубавите, но воедно и најтешки планински патеки во близина на македонскиот главен град.
В сабота на 2 април планината Водно и кањонот Матка ќе бидат „запоседнати“ од овие атлети, кои годинава се соочуваат со неколку измени. Најбитна е онаа дека поради логистички причини стартот наместо кај полициската станица се префрлува на Средно Водно, во склоп на комплексот „Даре Бомбол“ (над жичницата).
Како и претходно, најтешките трки на 40 и 27 километри се во склоп на овој настан, а новитет е трката на 10 километри насловена како „ИзиРан“. Со ова се збогатува понудата за оние кои сакаат побрзи и покуси трки, а воедно на оваа трка дозволен е настап и на помлади од 18 години. Финишот е повторно на Средно Водно, за разлика од порано кога стрмните искачувања и спуштања конечната цел ја имаа на врвот Крстовар (Водно).
Почетокот на трките е во 7 часот кога стартува натпреварот на 40 километри, по што во 8 часот започнува трката на 27 километри. Во 9 часот е предвидено да стартуваат учесниците во трката на 10 километри. Финишот е предвиден околу 13 часот, кога ќе започне свирката на бендот „The Hounds“. Македонскиот спортски бренд „Реморкер“ е меѓу поддржувачите на оваа манифестација и нејзините учесници.
Публиката е добредојдена да ги бодри учесниците, а дополнителни информации може да се добијат на официјалната веб-страна на „Водно Матка Треилс“, како и преку социјалните мрежи.
Овој настан претставува своевидно отворање на сезоната што во текот на годината е планирана да предвиди уште повеќе возбудувања. На 14 мај во Охрид ќе се организира таканаречанат „Ултра Треил“ трка, а за септември и ноември календарот на активности ги предвидува уште „Крали Марко Треилс“ и „Струмина треил“.
Дополнително, покрај љубителите на трчањето, и љубителите на планинските трки со велосипеди се подготвуваат за стартот на сезоната со настанот „Азот“, кој е закажан за 28-29 мај во Богомила. За оваа манифестација, која исто така е помогната од „Реморкер“ наскоро ќе објавиме повеќе детали.
-
НБАпред 21 час
Денвер повторно ги преслуша Лејкерс, Ембид броеше до 50 во триумфот на Филаделфија
-
Шпанијапред 16 часа
„Мундо Депортиво“ објави ново видео и заклучи: Барселона е оштетена за чист гол (Видео)
-
Формула 1пред 17 часа
Голем удар за Ред Бул: Адријан Њуи најавил дека планира нов предизвик
-
Шпанијапред 14 часа
Промена во последен момент: Белингам во составот, друга ѕвезда на Реал отпадна за дуелот со Сосиедад
-
Англијапред 21 час
Гвардиола не се согласува со Клоп и Ван Дајк и одговори со различен став
-
Македонијапред 20 часа
Анализа по првиот настап: Можеме и подобро, свежа мотивација за Золдер!
-
Англијапред 18 часа
Кулушевски доби најдобар можен роденденски подарок (Фото)
-
Италијапред 20 часа
Јувентус договорил нов голман, наследникот на Шчесни ќе биде Италијанец