Асистент на Чаби Алонсо се израдува за следниот ривал, ќе биде посебна мотивација за Рома (Видео)

Баер Леверкузен го потврди пласманот во полуфиналето на Лига Европа со ремито на реваншот против Вест Хем, а Чаби Алонсо и неговите избраници сега ќе се соочат со Рома.

Противникот игра во одлична форма по доаѓањето на новиот тренер Даниеле Де Роси, а потврда за тоа се и двете победи во соочувањето со Милан во четвртфиналната фаза на европското натпреварување.

„Волчицата“ е посебно мотивирана да ја освои Лига Европа и сигурно нема да се повлече пред новиот германски првак, а како дополнителна мотивација ќе го има видеото снимено на теренот во Лондон.

На него се гледа како Чаби Алонсо и неговите асистенти дознаваат дека Рома е противник во полуфиналето, а членовите на стручниот штаб се израдуваа кога дознаа дека избегнале соочување со Милан.

👀📱 The moment Xabi Alonso and his staff found out they will be playing Roma in the Europa League semi-finals. pic.twitter.com/6M5NpkZdqo

— EuroFoot (@eurofootcom) April 19, 2024