Уникаха ја освои ЛШ, поранешен играч на Карпош Соколи беше прогласен за МВП (ВИДЕО)

Екипата на Уникаха е освојувач на трофејот во Лигата на шампионите на ФИБА и тоа откако во големото финале во Белград славеше над Тенерифе со 80:75.

Уникаха игра навистина квалитетна кошарка во оваа сезона и доказ за тоа е што со Реал Мадрид се бори за првото место во АЦБ лигата, а уште една потврда за тоа е секако и освоениот трофеј во ова натпреварување.

Составот од Малага во полуфиналето беше подобар од Мурсија, додека вечерва суреди уште еден познат ривал во името на Тенерифе и со тоа им се приклучи на групата од неколку тимови (Бон, Тенерифе, Сан Пабло Бургос, Виртус Болоња и АЕК) кои успеале досега да освојат по еден пехар во истото.

Најефикасен играч кај победникот беше Пери со 17 поени. Токму Кендрик кој своевремено играше за Карпош Соколи беше прогласен за МВП на завршниот турнир.

Третото место на завршниот Ф4 го освои Мурсија која го доби Перистери со 87:84.