Премиерлигашки клуб побарал 100 милиони евра за тренерската цел на Баерн

Баерн Минхен влезе во фаза во која има и очајнички обиди да најде нов тренер за својот проект, откако спортскиот директор Макс Еберл веќе беше одбиен од тројца тренери кои беа посочени како идеални за опкружувањето на баварците.

Чаби Алонсо, Јулијан Нагелсман и Ралф Рангник се тројцата кои категорично ја одбија понудата од баварците, па тоа ги натера одговорните луѓе во клубот да го прошират хоризонтот и да бараат и други опции на трансфер пазарот.

Последно име за кое доста се шпекулираше во Германја е Оливер Гласнер, но менаџерот на Астон Вила не добил ниту шанса да даде одговор за понудата од Баерн, бидејќи премиерлигашот поставил нереална цена за својот менаџер кој го ангажираше пред извесно време.

Како што јавуваат германските медиуми, Баерн понудил 18 милиони евра како обесштетување за австрискиот стручњак кој претходно изворедно го водеше Ајнтрахт Франкфурт, но Кристал Палас им порачал на баварците да се вратат со понуда од 100 милиони евра.

Ова е сумата која „орлите“ ја побарале за својот менаџер, по што Баерн веднаш ја прекинал цела операција и се свртел кон други опции, меѓу кои е и онаа за останување на Томас Тухел.