Нов медал за Елена Петрова од балканските првенства во велосипедизам!

Изминатиот викенд во турскиот град Едрене се одржаа балканските првенства во велосипедизам на кои настапија и претставници од Македонија.

Слично како и во настаните на кои учествуваа минатата година, претставничките на понежниот пол имаа значајни резултати. Елена Петрова која во пресрет на овој настап ја одбрани титулата во националниот шампионат, на балканското првенство во трката на хронометар (26 километри), го освои третото место, додека на друмската трка (62 километри) беше пласирана на шестото место. Покрај неа настапи и Андријана Анастасовска.

Меѓу велосипедистите, беше забележливо учеството на нова генерација помлади возачи, при што исто така во трката на хронометар беа постигнати подобри резултати: Иван Илијевски беше седми, а Мемет Мемеди се пласираше на деветтото место. Покрај нив, настапија уште Александар Милошевски и Стефан Делев, кој во минатото настапуваше во триатлон.

Во друмската трка, дел од велосипедистите избегаа на стартот и спротивно на очекувањата – продолжија во тој ритам до целтам додека нашите претставници останаа во групата што зад нив остана хомогена до целта.