Канада го доби големото хокеарско финале против Американците

Канада победи против САД во финалето на престижниот хокеарски турнир „Четири нации“ на домашен терен и на најдобар начин му се реваншираше на големиот ривал за поразот во претходната фаза.

Канаѓаните загубија со 3:1 на првата средба, но утринава ги добија Американците со 3:2 во продолжение, во натпревар кој имаше посебно значење за фановите поради актуелната ситуација меѓу двете земји.

Најавите за воведување поголеми царини и понудите за приклучување на Канада кон САД од страна на американскиот претседател Доналд Трамп доведоа до ситуација Канаѓаните да ја исвиркуваат американската химна на секој спортски натпревар, а тензијата кулминираше токму на хокеарската пресметка, на која како ретко досега настапуваа најголемите НХЛ ѕвезди во двата табора.

Канаѓаните повеле преку МекКинон, противникот направил пресврт со головите на Ткачук и Сандерсон, а Бенет најави продолжение, во кое МекДејвид ги постигнал конечните 3:2 во корист на домашната селекција.

По натпреварот, премиерот во оставка, Џастин Трудо издоминирал на социјалните мрежи со својата порака: Не можете да ја земете нашата земја и не можете да го земете нашиот спорт.