ТФТ не успеа да го потврди пласманот во новата фаза во БИБЛ лигата

Кошаркарите на ТФТ претрпеа тесен пораз од Ирони Нахариа (66-67) во средбата од БИБЛ лигата.

Ова беше средба на која двете екипи добија по две четвртини, решаваа нијанси, па дури и среќа која овојпат беше на страна на израелскиот претставник. Хортон со 19 и Бишоп со 18 кошеви беа најдобри стрелци кај клубот од Тафталиџе, додека на спротивната страна се издвои Томас со 19 поени.

Македонскиот прволигаш сега има учинок од 4-5 (победи-порази), но и понатаму е во позиција да се пласира во следната фаза со тоа што одлучувачки ќе биде домашниот натпревар против Берое на 1 февруари.