Шортс прогласен за МВП на сезоната во Еврокупот

Ти-Џеј Шортс е избран за МВП на сезоната во кошаркаркиот Еврокуп, признание кое заслужено го доби откако го предводеше својот тим Париз до пласман во финалето на ова европско натпреварување.

Тренерите, капитените, фановите и претставниците на медиумите учествувале во гласањето за најкорисен играч во сезоната која ќе биде крунисана со француско финале, а повремениот македонски репрезентативец добил најмногу гласови.

Шортс ја добива наградата на денот на кој започнува финалната серија, а неговиот тим Париз ќе се соочи со Бург, две од вкупно четири француски екипи кои досега играле финале во Еврокупот.

Париз издоминира во групната фаза и беше убедлив во нокаут фазата, а Шортс беше прогласуван за МВП и на четвртфиналната и полуфиналната фаза.

Претходно, Шортс беше вметнат и во најдобрата петорка, а таму друштво му прават Вилијамс од Улм, Оласени и Морган од Лондон Лајонс и Мајк од Бург.

TJ Shorts is the EuroCup 2023/24 MVP 🏅

In his first season in the competition, Shorts has led @ParisBasketball to record-setting numbers, as well as a 20-1 record entering the EuroCup Finals.

Congratulations @TjShorts5 on a one-of-a-kind season 👏 pic.twitter.com/5UqBOof7tw

— BKT EuroCup (@EuroCup) April 9, 2024