Роналдо го продаде Крузеиро, па најави дека набрзо ќе се откаже и од шпанскиот проект

Роналдо Назарио е составен дел од фудбалот и по крајот на играчката кариера, но во последните неколку години се актуелизираше и како претседател на два клуба.

Легенарниот „Феномено“ до вчера имал најголем дел од акциите во бразилскиот великан Крузеиро, но конечната одлука е да се повлече од претседавањето и да продаде најголем дел од поседот во клубот.

Бразилските медиуми информираат дека Роналдо продал 90 проценти од акциите за 109 милиони евра, а нов газда на Крузеиро ќе биде познат бизнисмен, Педро Лоренцо.

Роналдо го продава Крузеиро за речиси 30 милиони евра повеќе од тоа што го купи во 2021-ва година, но неговиот план е тоа да го направи и со Валјадолид со чии акции располага од 2018-та година.

– Валјадолид ќе биде следниот клуб кој ќе го продадам, – кратко им најавил Роналдо на бразилските новинари, што значи дека Бразилецот набрзо ќе стави крај и на проектот кој го почна пред шест години.