Гранадос го реши финалето со спектакуларна шрауба, прва европска ватерполо титула за Шпанија (Видео)

Шпанија издоминира против Хрватска во последната четвртина во финалето на Европското првенство во ватерполо и стигна до својата прва титула во историјата на ова натпреварување.

Домашната репрезентација влезе во последниот период со резултат 10:8, но Шпанците одиграа фантастично во одбрана, а на спротивната страна постигнаа три гола за целосен пресврт и со победа 11:10 во финалето.

Гранадос го постигна голот за победа со атрактивна шрауба на 49 секунди до крајот, а овој гол сигурно ќе влезе во историјата како еден од најатрактивните погодоци со кои е решено некое големо финале во ватерполо спортот.

Jel ovo najbolji gol za titulu ikad? 😱#waterpolo #granados pic.twitter.com/pj4FeQullO

— Roman Morovic (@GundjoZd) January 16, 2024

Es que no puedo dejar de verlo 😍😍😍 @SpainWP @RFEN_Oficial El GOLAZO de Álvaro Granados que da el primer ORO Europeo a España en #Waterpolo pic.twitter.com/ZhLVEE6wBe

— Alberto Montenegro (@amontenegro79) January 16, 2024

Гранадос и Санухија со по три гола биле најдобри реализатори за шпанската селекција во финалето, додека Букиќ ги предводел Хрватите со четири погодоци.

Шпанија со освојувањето на ЕП си обезбеди и директен пласман на ОИ во Париз, додека претходно во битката за третото место, Италија ја победи Унгарија со убедливи 12:7.

Србија ја совлада Романија за петтото место, а Грците славеа над Црногорците за конечно седмо место на европскиот шампионат.

𝗖𝗮𝗺𝗽𝗲𝗼𝗻𝗲𝘀 𝗱𝗲 𝗘𝘂𝗿𝗼𝗽𝗮 🤩 🇪🇸

Congratulations to @rfen_oficial on their crowning moment! 🏆 #EWPC2024 | #WPCroatia2024 pic.twitter.com/s1dlKS7pcn

— European Aquatics (@LENaquatics) January 16, 2024