Македонецот одново е број еден: Иџе по третпат е европски шампион на ридски патеки!

Македонскиот автомобилист, Игор Стефановски-Иџе дојде до уште еден голем резултат во својата кариера, титула во европскиот шампионат за ридско-планински трки.

Стефановски имаше успешна завршница, „газеше“ во Бузет (Хрватска) и со тоа ја потврди доминацијата, пехарот во оваа конкуренција. Игор оствари седум победи на десетте трки што се возеа и со тоа ја оддува конкуренцијата.

За нашиот ас ова е трета европска круна, претходно беше најдобар во ова друштво во 2014 и 2015 година.

-Трикратен Европски Шампион, за мојата Македонија, за мојот народ, 2014/2015/2023. Бидете горди, испишавме нова историја, -порача Иџе на социјалните мрежи.