Партизан тргнува по родениот Охриѓанец

Како што пренесува „Инсајд Евролига“, кошаркарскиот клуб Партизан подготвува вистинска „бомба“ на крајот од преодниот рок, а станува збор за одличниот НБА играч и турски репрезентативец, Џеди Осман.

Според нивните информации Осман има понуди од Партизан и Анадолу Ефес, а негова главна желба е да остане во НБА лигата, но сепак ги разгледува и понудите на овие два клуба и дополнително ќе донесе решение.

„Црно-белите“ за кратко време го комплетираа составот и единствено место им остана крилниот центар да ја довршат приказната, а според споменатиот извор изборот паднал на Турчинот.

Интересно за Осман е тоа што е роден и израсна во Охрид, а веќе го носеше дресот на Анадолу Ефес и настапуваше за Кливленд Кавалирс и Сан Антонио Спарс во НБА.