Томовски си заминува во Вардар и се сели во Германија: Среќен сум што ќе бранам во најдобрата лига на светот

Македонскиот репрезентативец, Мартин Томовски си заминува од Вардар 1961 по крајот на актуелнава сезона и се сели во Германија.

Тој кажа „ДА“ за понудата која пристигна од новиот член на Бундеслигата, тимот на Постдам.

-Со нетрпение ја очекувам епизодата во Потсдам и што по втор пат ќе можам да играм во најдобрата лига во светот. Денес сум поискусен, постар и поистакнат како играч отколку кога првпат играв во ракометната Бундеслига.

-За мене е големо задоволство што станувам дел од Постдам, тим со толку многу талентирани, млади играчи. Можам да ветам дека ќе направам се што е во моја моќ за да ги постигнеме амбициите и целите заедно со тимот, -порача Томовски.

Мартин својот прв престој во Германија го имаше во Лудвигсхафен од каде пред три години пристигна во Вардар.