Ристовски огорчен за поништениот гол, употреби Инстаграм алатки за да ги опише судиите (Фото)

Динамо Загреб има очајна претстава во Европа оваа сезона и вчера претрпе нов пораз од Викторија Плзен, но покрај слабата форма, мора да се признае дека „модрите“ немаат среќа и со судиските одлуки.

Вчера беше досуден еден сомнителен пенал за Чесите и на крајот беше поништен гол на Динамо, кој според најголем дел од хрватските аналитичар е регуларен.

Жесток по минималниот пораз за поништениот гол беше и тренерот Јакировиќ, а на социјалните мрежи се јави и поранешниот македонски капитен, Стефан Ристовски.

Дефанзивецот како еден од најискусните се почувствува оштетено од одлуката на судиите, бидејќи токму тој беше играчот поради кој беше подвлекувана линија.

Хрватите се убедени дека луѓето во ВАР подвлекле линија на погрешно место, па Ристовски ги нарече судиите и луѓето во ВАР „кловнови“ без да изусти еден збор.