Ристевски во гол форма, Тричковски влезе и веднаш се запиша во листата на стрелците (Видео)

Двајца македонски фудбалери постигнаа голови на денешните натпревари кои се одиграа во кипарската фудбалска лига, со тоа што Ахна на Кире Ристевски забележа победа, а АЕК Ларнака на Иван Тричковски ремизираше на домашен терен.

Ристевски влезе во гол форма и на втор меч во низа се запиша во листата на стрелците, а денеска го најави триумфот на својот тим кој убедливо славеше над Закакиу со 4:1.

Македонскиот дефанзивец игра во одлична форма и ужива во довербата која ја добива од тренерот, па покрај тоа што ги одработува задачите во одбрана, се подобар е и во противничкиот шеснаестник.

За разлика од Ахна, АЕК Ларнака денеска ремизираше во дербито со АПОЕЛ на гостински терен, а Иван Тричковски доби шанса во последните 20-тина минути.

Тричко постигна гол веднаш по влегувањето во игра и израмни на 1:1, а натпреварот на крајот заврши 2:2.