Павар: Не играм фудбал за пари, ги сакам…

Врвните играчи заработуваат големи пари во светот на фудбалот, па има многумина кои искрено порачуваат дека тоа им е главен мотив за да се занимаваат со овој спорт.

Меѓутоа ја имаме и другата страна како што е случајот со францускиот репрезентативец и член на Интер, Бенжамен Павар кој порача дека неговиот главен фокус е желбата за успех, победа во натпреварите и освојување на титули.

-Пред натпревар размислувам како да го добијам и како да не примиме голови. Играм за да добивам натпревари и освојувам титули, затоа сакав да станам фудбалер. Како дете ги гледав сите врвни тимови како креваат трофеи. Јас не играм фудбал за пари; Ги сакам трофеите. Ова ме турка да одам на теренот. Сакам да бидам горд на себе до крајот на кариерата.

-Станав фудбалски фан гледајќи го татко ми како игра и тренира. Горд сум на тоа каде сум и горд сум на неверојатните моменти како што е голот против Аргентина на Светското првенство во Русија или тоа што се случи против Шкотска во Лил каде што се започна.

-Групата ја прават не само 11 играчи туку и сите околу нив. Медицинскиот и фитнес персоналот и оние кои работат зад сцената се исто така важни. Оние кои нè поддржуваат надвор од теренот нè ставаат во вистинска состојба за победа, -порача јасно и директно дефанзивецот.