Милинковиќ-Савиќ имаше кошмарна претстава, АЗ Алкмар го освои „Олимпико“ (Видео)

АЗ Алкмар ќе отпатува за Холандија со предност по првиот осминафинален дуел во Конференциската лига на Европа, откако вечерва со пресврт успеа да го освои „Олимпико“.

Лацио отвори подобро и успеа да поведе благодарение на снаодливата реакција на искусниот Педро, но денеска како главен трагичар за фаворитот се покажа еден од најдобрите.

Капитенот Милинковиќ-Савиќ имаше претстава за заборав, бидејќи на двапати имаше лоша реакција при двата гола кои ги постигнаа гостите од Холандија.

Србинот најпрво лошо ја врати топката и отвори контра за противникот која резултираше со гол на Павлидис, а потоа во вториот дел имаше уште еден лош потег.

Од него и Педро тргна новиот против напад на АЗ Алкмар, но овојпат стрелец беше Керкез во 62-та минута. Иако имаше уште половина час до крајот, Лацио не успеа да избегне пораз и сега ќе брка негатива на реваншот.