Манасков втор стрелец во фуриозната партија на Веспрем

Тимот на Веспрем за кого настапува репрезентативецот Дејан Манасков издвојува убедлива победа над Дабас од 38-20 во дуелот кој се одигра вечерва во првата лига на Унгарија.

Домаќините важеа за огромни фаворити, а тоа го потврдија на теренот особено во вториот дел во кој му дозволија на противникот да даде само седум голови (19-7). Во оваа фуриозна партија најефикасен беше кружниот напаѓач Нилсен со седум погодоци, додека нашиот Манасков и Хрватот Штрлек беа втори на листата со пет голови.

Фекете со шест погодоци ја предводеше листата на стрелци кај поразените.

Веспрем е на првото место на табелата со 17 победи и едно реми, во следното коло го пречекува големиот ривал ПИК Сегед.