Легендарен англиски стратег ќе го тренира Миовски во Абердин

Шкотскиот прволигаш Абердин одлучи да се раздели со менаџерот Бери Робсон по лошите резултати во шампионатот каде екипата е дури на осмото место на табелата со 25 бода.

Абердин веднаш се впушти во потрага по наследник на Робсон, потрага која веќе е завршена и тоа со доведување на супер искусно име-тоа е 75 годишниот Нил Ворнок.

Ворнок е тренерска англиска легенда, човек кој повеќе од 40 години е менаџер на голем број на клубови на островот. Тој многупати ги носел своите екипи во Премиер лигата, поточно ги водел до промоција во највисок ранг и сега неговата задача ќе биде да го разбуди Абердин до крајот на сезонава.

-Навистина се радувам на предизвикот овде во Абердин. Не криев дека отсекогаш сум сакал да бидам тренер во Шкотска, па кога разговарав со Дејв и Алан и тие ме замолија да помогнам, почувствував дека ова е вистинска можност. По се видено, тука има добра група момци и моја работа е сега да го извлечам најдоброто од нив.

-Абердин е голем клуб со јасни амбиции и се надевам дека за време на моето време овде, симпатизерите ќе застанат зад тимот и ќе можам да направам насмевка на нивните лица, -порача Ворнок кој своето деби ќе го има против Ренџерс на гостински терен.

Neil Warnock has been appointed as our manager until the end of the season.

Welcome to Aberdeen Neil! 🔴#StandFree

— Aberdeen FC (@AberdeenFC) February 5, 2024