Кузмановски предвреме ја заврши етапата во Вецлар и стана слободен агент

Филип Кузмановски направи трансфер во Вецлар на стартот на годината и беше најавен како големо засилување, но македонскиот репрезентативец не се изнаигра во овој тим и сето тоа денеска заврши со епилог кој е најдобар за двете страни.

Германскиот бундеслигаш денеска ја информираше јавноста дека дошли до предвремен раскин на договорот, што значи дека Вецлар сега останува со еден македонски претставник, легендарниот Филип Миркуловски.

Кузмановски спогодбено го раскинал договорот и всушност самиот побарал да си замине, а раководството не се двоумело премногу и тоа може да се сфати од изјавата на директорот Бјорн Сеип.

– Договорот беше взаемно раскинат. Филип дојде со желба да му биде дозволено заминување, а ние во клубот го испочитувавме тоа.

– Го направивме тоа бидејќи за жал не ги оправда нашите очекувања на теренот. Му благодариме за посветеноста и му посакуваме се најдобро во иднина, – изјавил директорот на Вецлар.