Ѓорче Петров му даде 46 гола на Еупен и е на чекор од осминафинале во ЕХФ купот

Ракометарките на Ѓорче Петров се на добар пат да обезбедат пласман во осминафинале во ЕХФ купот и тоа откако денеска славеа над Еупен во Белгија со 46:39.

Македонскиот првак одигра ефикасен меч во кој во двете полувремиња постигна по 23 гола (23-19, 23-20) и со тоа дефинитивно си ги отвори вратиме кон место во наредната фаза со оглед на тоа што реваншот се игра во Скопје на 19 ноември.

Избраничките на Симовски знаеја што сакаат на овој меч во кој имаше и одредени недостатоци како играта во одбраната, меѓутоа тоа може да се поправи веќе наредната седмица кога се очекува нашиот тим да го заокружи овој двобој со уште еден позитивен резултат и место меѓу 16 најдобри во ова натпреварување.

Коларовска со 10 и Николовска со 9 голови беа најефикасни ракометарки кај ѓорчепетровки.