Тифозите на Милан им делеа лекции на Пиоли и играчите по поразот од Специја (Видео)

Милан има поддршка од своите навивачи на било кое гостување во Италија, па така беше и денеска на натпреварот на кој „росонерите“ забележаа нов непријатен удар во Серија А.

По поразот од Интер во првото полуфинале во Лигата на шампионите, Милан се погрижи за лошо загревање за реваншот, бидејќи попладнево се прикажа во навистина бледо издание против Специја.

Тимот кој се бори за опстанок постигна два гола во завршницата и успеа да оствари огромна победа од 2:0, која сега значително ги комплицира работите за Милан кога е во прашање топ четири пласманот и настапот во Лигата на шампионите наредната сезона.

Милан ќе мора цела сезона да ја вади во реваншот со Интер кој се игра за три дена, па нервозните навивачи ги повикаа фудбалерите по последниот судиски свиреж и имаа што да им кажат за лошото издание.

Дел од групата беше и тренерот Стефано Пиоли, кој им остави простор на лидерите навивачката група да го искажат незадоволството за навистина лошото издание.

The Milan players have a chat with the Milan ultras after their 2-0 defeat at Spezia. 😳 pic.twitter.com/yCt2dZTwb1

— CBS Sports Golazo ⚽️ (@CBSSportsGolazo) May 13, 2023

🔴🗣️ Leaders of the Milan ultra group (Curva Sud Milano) spoke to Pioli and their team after the 2-0 defeat to Spezia. pic.twitter.com/Gau10Pwiqh

— EuroFoot (@eurofootcom) May 13, 2023