Тениска лекција од Ноле: Ѓоковиќ го почести домашниот тенисер со „компир“ во Синсинати (Видео)

Новак Ѓоковиќ не можеше да замисли подобра подготовка за полуфиналето на Мастерсот во Синсинати, откако рано утрово прикажа страшно ниво во последното четвртфинале и не му даде никаква шанса на домашниот тенисер.

Играта која ја прикажа Тејлор Фриц досега беше најава за возбудлив меч против Србинот, но до тоа не дојде бидејќи Ноле беше максимално инспириран и играше тенис без грешка.

Новак одигра совршен прв сет и го почести Фриц со тениски „компир“, односно не загуби ниту еден гејм и славеше со 6:0. Србинот не застана тука и тениската лекција за противникот ја продолжи и во вториот сет, па за точно еден час игра го збриша ривалот од теренот.

Ѓоковиќ направи брејк во клучен момент и во вториот сет и славеше со 6:4, па со ова брутално издание јасно стави до знаење дека ја напаѓа титулата на Мастерсот во Синсинати.

До тоа го делат уште две пречки, а првата во полуфиналето ќе биде Германецот Александер Зверев кој славеше над Манарино со 2:0. Во другото полуфинале, силите ќе ги одмерат Алкарас и Хуркач.