Мајсторски лоб погодок на Миовски за победа на Абердин (ВИДЕО)

Тимот на Абердин за кого настапува македонскиот репрезентативец, Бојан Миовски забележа голема победа над Мадервил (2-1) во 12. коло од првата лига на Шкотска.

Гостите потврдија дека се во добар ритам и дојдоа до триумф со кој остануваат на третото место на табелата зад неприкосновените Селтик и Ренџерс кои со години немаат конкуренција.

Миовски беше еден од играчите кој даде придонесе за денешното славје и тоа со атрактивен погодок во 4 минута кога ја искористи топката од Берон и со лоб стрелаше во мрежата на Кели. Оваа ситуација се прегледуваше со ВАР, ама се беше регуларно за 8 лигашки гол на Македонецот кој е на второто место на листата на стрелци зад Чолак од Ренџерс.

Абердин во следната рунда има тешко гостување кај Ренџерс, тим кој денеска направи голем кикс и одигра нерешено со Ливингстон.